برای علی

غزلی  از رضا جمشیدی

 برای علی

نه ديده‌سه‌م نه ناسيه‌م نه هايمنه يه‌ي زه‌مان  ئه‌لي

ناو تِنه تا قسيه كه‌م ها له سه‌رِ زووان  ئه‌لي

ئيوشن ئه‌گه‌ر  دوكوت  شه‌وار تماشاي ئاسمان بكه‌ي

وه چووار په‌لا مينه‌ي تو كه‌ن چه‌و هه‌ساره‌گان  ئه‌لي

باوه‌ر بكه يه‌تيمه‌گان وه‌ي هاله چه‌ويان چوده خه‌و

كه نيمه شه‌و نه‌زر خدا باريده ماليان  ئه‌لي

رخِم نيه‌چو وه دوزه‌خ و بلوزه‌ي ئاگره‌يله‌گه‌ي

چيونكه ده‌س شه‌فائه‌تي كيشيده گيانمان ئه‌لي

هه‌ر سه‌ي ئه‌راي يه‌ي قردگيش هاتيده‌سه بان زه‌مين

وه‌لي يه زانيمن جييِد ها ناو ئاسمان ئه‌لي

كه‌موته‌ره‌يل ناو نه‌جه‌ف زانن چه‌ني په‌لپد گِرِم

تو را وه گيان فاتمه‌د وه هيور نه‌وه‌يده‌مان ئه‌لي

 

شعر تازه اي از رضا جمشيدي

شعر تازه اي از رضا جمشيدي

ياني تو بچيد و من له ئي شاره بمينم .....وه خدا نه

بيلم كه بيجگه سر تو بوده سرينم ......وه خدا نه

ياني كه ئو شوق تماشاي خوشده وه لاي مه نودن

ئسرم نرشيدو گشت نزانن كه خمينم .....وه خدا نه

ياني كه تو اي همكه له من ديور بمينيدو من اوسا

تا لاي خدا خوه­ي نره­سي هق هق و شينم .....وه خدا نه

ياني كه يي ميو له سرت كم بكن و نازد بشيوي

امجا مه پيا بوم و تقاس تو نسينم .....وه خدا نه

ياني كه تو يي وه­خت زوانم بوه لال بمري،من اوسا

يي قردگ ديواي مردن تو ئازا بمينم .....وه خدا نه

غزلي تازه از رضا جمشيدي

غزلي تازه از رضا جمشيدي

ديوشه­و باس تليزون باس ژانيو

دواره باس زيوخه­يل جهانيو

هواپيمايگ بري بمب خستيو خوار

چنين و چن گله ماليش رمانيو

در و ديوار ه­گان له بن دراتيون

تمام ده­روه­چه­يل يك يك چه­كانيو

له­شه­يل چه­ن منال كفتيوده بان ز­ه­يو

دل زخمي چه­ن دالگ شكانيو

گپ كانال دويش جنگ فلسطين

يه­كيگ يي گاز ئشك­آوه­ر ته­قانيو

چه­و يي هه­مكه ئايه­م كور كرديو

قري يي هه­مكه ئنسانيش سزانيو

بريگ نارنجك و تير و تفنگ داشت

وه ده­س يي بر تره­ك يي تير كه­وانيو

مناليگ ژير باتوم هه­نجيادن

وه ئي جرمه ده­سيلي پر له سانيو

له به­رنامه­ي تره­ك له كشوه­ر مصر

يكي خيون هزاران كه­س رشانيو

وه هه­ر جي يي چراخ روشنيگ ديود

وه گه­رد قين و تيون خوه­ي كوشانيو

وه ناو تونس وه ناو به­حره­ين و اردن

تقه­ي تير و تفنگ و مه­رگ گيانيو

وه ئيلاوه گپ ئازادي و عشق

وه ئه­ولاوه گپ زندانگانيو

گپ كانال چواريش هه­م دواره

گه­ني تاريخ دوره­ي باجلانيو

كانال پنج و شش،برفه­ك و چوليو

تيوه­م بي خه­وه­ري تيان وه­شانيو

وه­لي كانال سه فوتبال زنده­يو

گه­مه­ي منچستر و انترميلانيو

چه­ني مردم وه پاي نيشتيون تا سو

چه­ني دنيا وه پاي چنجگ ته­قانيو

چه­و دنيا ديواي فوتبال چوه­و خه­و

يه كه­ي ده­وره­ي ئزاو وجدانه­گانيو

وه كانال يك و چوار و دو و ايكس

دواره باس زيوخه­يل جهانيو

وه لي  گشتي له پاي كانال ۳ بين

وه ئيلا توپ له ده­س دروازه­بانيو

وه ئه­ولا توپ له ناو ماليگ ته­قيودن

دو ته­رم بيوچكله له بان شانيو

شه­وه­كي ناو هر كيوچه و خياوان

فقط باس گل ئينترميلانيو